Sporti shpesh paraqitet si një hapësirë paqeje, bashkimi dhe mirëkuptimi mes popujve. Turnetë ndërkombëtarë, veçanërisht Kampionati Botëror i futbollit, promovohen si festa globale që kapërcejnë dallimet politike dhe kulturore.
Megjithatë, historia e shekullit XX dhe e fillimit të shekullit XXI tregon se futbolli ka qenë shumë më tepër sesa një lojë. Ai është shndërruar shpesh në një instrument propagande, një mjet për forcimin e pushtetit politik dhe një pasqyrë të rivaliteteve kombëtare e ideologjike.