Gjë që kishte ndodhur më datë 17 Janar 2015, vetëm dy ditë para se të zhdukej pa gjurmë. Gjatë bisedave me të birin, ai tha se e pa atë tejet të shqetësuar, por pa i shprehur arsyet e vërteta të këtij trazimi.
“Djali im Entoni u kthye në Shqipëri më datë 17 Janar 2015, rreth orës 15.00. Ai gjatë kësaj kohe kishte qëndruar në Hollandë.
Nga biseda me të unë mësova që ai kishte mbërritur në Shqipëri në linjë ajrore deri në aeroportin e Shkupit, bashkë me një shokun e tij që më tha se quhet B. (M). Sh. Këtu ku i ka pritur një person me emrin Miri, dhe të tre së bashku më pas po sipas tij kanë ardhur në drejtim të Tiranës”, mësohet të ketë thënë I jati në dëshminë e tij në polici.