Ky ishte mesazhi dhe kontakti i fundit që Enton Janushi pati me familjen e tij. Që pas këtij momenti ai humbi të gjitha lidhjet me familjen e cila mesa duket e mësuar me ikjet dhe ardhjet e tij, priti më kot me shpresë së ai do të kthehej në banesën e tyre.
Ndërkohë që babai i tij, Namik Janushi, filloi të krijonte dyshimet e para se ai mund të ishte rrëmbyer. Kjo edhe për faktin se Entoni ishte larguar nga banesa pa marrë mjetet e tij të identifikimit.
“Që pas sms-së që dërgoi në telefonin e nënës së tij, deri më sot që po bëj denoncimin për zhdukjen e tij, nuk kemi asnjë kontakt me Entonin dhe po kështu nuk kam asnjë dijeni për vendndodhjen e tij.