Reperi i njohur amerikan, Kanye West, ka rikthyer vëmendjen e mbarë botës nga vetja pas një super-koncerti të mbajtur në Stamboll të Turqisë. Organizatorët raportojnë se në stadiumin olimpik “Atatürk” u mblodhën rreth 118,000 mijë fansa, një shifër që sipas vetë artistit thyen një rekord historik.
Koncerti, i cili u zhvillua të shtunën në mbrëmje, u shndërrua në një festë gjigante elektrizuese. Përveç performancës së Kanye West (i njohur tashmë si Ye), skena u ndez nga efekte spektakolare lazeri, DJ të njohur dhe pjesëmarrja surprizë e artistëve të tjerë të mëdhenj, ku spikati padyshim reperi Travis Scott.
Fluksi i jashtëzakonshëm i njerëzve nisi që në orët e pasdites, kohë kur organizatorët hapën portat e stadiumit për të shmangur incidentet. Pavarësisht masave, rritja e menjëhershme e numrit të udhëtarëve mbingarkoi tërësisht rrjetin e transportit publik në metropolin turk.
Ky koncert shënoi edhe hapjen zyrtare të turneut të ri evropian të Kanye West, i pari për të pas rreth 11 vitesh mungesë në skenat e këtij kontinenti. Sipas deklaratave të vetë reperit, kjo shfaqje mban tashmë rekordin si koncerti më i madh në histori i zhvilluar brenda një stadiumi.
Sfida në Evropë: Edhe pse nisi me një sukses të jashtëzakonshëm në Turqi, turneu i ri i West nuk ka qenë i lehtë. Disa prej koncerteve të planifikuara në vende të tjera evropiane janë anuluar ose refuzuar nga autoritetet lokale për arsye sigurie dhe shqetësimesh publike.
Kanye West has broken the stadium concert record
The artist’s performance in Istanbul gathered 118,000 spectators.
The concert is being described as the most attended paid stadium show in music history. pic.twitter.com/ODKSou83tb
— NEXTA (@nexta_tv) May 31, 2026